in

ক’ৰোনাতকৈও ভয়াৱহ যদি কিবা আছে

marmot

নিউজ ডেস্কঃ ২০২০ বৰ্ষটোৰ কেৱল ছটা মাহহে পূৰ্ণ হৈছে৷ এই সময়ছোৱাত আমি তৃতীয় বিশ্বযুদ্ধৰ আশংকাৰ পৰা আৰম্ভ কৰি বিভীষিকাময় মহামাৰীৰ সংহাৰীৰূপ, সকলোখিনি প্ৰত্যক্ষ কৰিছো৷ আমি বৰ্তমানেও এই মহামাৰীৰ সৈতে যুঁজি থকাৰ সময়তে চীনৰ পৰা আৰু নতুন নতুন ৰোগ বাহিৰলৈ অহা প্ৰত্যক্ষ হৈছে৷

প্ৰকাশ হোৱা এক নতুন প্ৰতিবেদন অনুসৰি উত্তৰ চীনৰ এখন চহৰত বুব’নিক প্লেগৰ এক সন্দেহজনক পৰিঘটনা দেখিবলৈ পোৱা গৈছে৷ এই সন্দেহজনক পৰিঘটনাৰ বিষয়ে প্ৰতিবেদন দাখিল কৰিছিল বায়ান্নুৰৰ চিকিৎসালয় এখনে৷

স্থানীয় স্বাস্থ্য প্ৰাধিকৰণে এই পৰিঘটনাৰ নিশ্চিতি প্ৰদান কৰি কৈছে যে ইয়াৰ জৰিয়তে মানৱ প্লেগো সম্প্ৰসাৰিত হোৱাৰ আশংকা আছে৷

চলিত মাহৰ প্ৰথমভাগতে দুজন লোক এই ৰোগৰ দ্বাৰা আক্ৰান্ত হৈছিল৷ দুয়োগৰাকী আছিল ককাই-ভাই আৰু দুয়োকে পৃথক পৃথক চিকিৎসালয়ত চিকিৎসা কৰোৱা হৈছিল৷ দুয়োগৰাকী ভাতৃয়ে ক্ৰমাগতভাৱে মাৰ্মট (এবিধ চিকাজাতীয় প্ৰাণী) ভক্ষণ কৰিছিল৷

লোক দুজনৰ সংস্পৰ্শলৈ অহা ১৪৬জন ব্যক্তিক আচুতীয়াকৈ ৰখা হৈছে৷ বুব’নিক প্লেগ হ’ল এবিধ বেক্টেৰিয়েল ৰোগ যি মাৰ্মটৰ দৰে প্ৰাণীৰ দেহত বাস কৰা মাখিৰ জৰিয়তে বিয়পে৷ উপযুক্ত সময়ত চিকিৎসা লাভ নকৰিলে ২৪ ঘণ্টাৰ ভিতৰতে এজন ব্যক্তিৰ মৃত্যু ঘটিব পাৰে৷

এতিয়া সৰ্বত্ৰ উদ্বেগ উত্থাপিত হৈছে যে ক’ভিড-১৯ৰ দৰে প্ৰাণঘাতী ৰোগ এটাৰ সৈতে যুঁজি থকাৰ মুহূৰ্ততে আমি সঁচাকৈয়ে আন এটা মহামাৰীৰ বোজা বহন কৰিবলৈ সক্ষম হ’ম নে?

 

 

চিত্ৰৰ উৎসঃ ইণ্টাৰনেট

Tags

What do you think?

Written by admin

A multimedia journalist based out of Guwahati, covering public policy, healthcare, and social issues.

Comments

Leave a Reply

Your email address will not be published. Required fields are marked *

Loading…

0

Irreducible Stupidity- 3 Villages Locked Down In Assam After Thousands Attend Preacher’s Funeral

Assam Enters Pandemic Stage; Another Lockdown Seems Inevitable