in

অসমৰ তিনিচুকীয়া জিলাৰ বাঘজানত অইল ইণ্ডিয়া লিমিটেডৰ গেছ কূপত হোৱা অগ্নিকাণ্ড সন্দৰ্ভত বিস্তৰ প্ৰতিবেদন

bagh

অসমঃ ৰাজহুৱা খণ্ডৰ উদ্যোগ অইল ইণ্ডিয়া লিমিটেডে অসমৰ তিনিচুকীয়া জিলাৰ বাঘজান তৈলক্ষেত্ৰৰ অধীনত বাঘজানৰ পাঁচ নং কূপৰ পৰা গেছ উৎপাদনৰ কামত নিয়োজিত হৈ আছে৷ ২৭ মে’ ২০২০ তাৰিখে হঠাতে সেই কূপত এক অগ্নিকাণ্ড সংঘটিত হয়৷ গেছৰ ফলত কূপৰ সেই অগ্নি অনিয়ন্ত্ৰিত হ’বলৈ ধৰে৷ অইল ইণ্ডিয়াই ততালিকে অএনজিচিৰ সংকট ব্যৱস্থাপনা দল (চিএমটি)ৰ পৰা সাহায্য বিচাৰে৷ অইলে ছিংগাপুৰস্থিত ফাৰ্ম মেচাৰ্ছ এলাৰ্ট ডিজেষ্টাৰ কণ্ট্ৰ’লৰো সহায় বিচাৰে৷

এই কূপটো বিশেষজ্ঞসকলৰ পৰামৰ্শ অনুসৰণ কৰি তথা সকলো সাৱধানতা পালন কৰি ঢাকি পেলোৱাৰ ব্যৱস্থা কৰা হৈছিল৷ কূপৰ ক্লীয়েৰিং সম্বন্ধীয় পৰিচালনা স্থানডোখৰত চলি থকাৰ সময়তেই ৯ জুন ২০২০ তাৰিখে দুপৰীয়া তাত অগ্নিকাণ্ড সংঘটিত হয় আৰু কূপটোৰ স্থানৰ পৰা প্ৰায় ২০০ মিটাৰ পৰিসৰৰ এলেকা অগ্নিয়ে সামৰি লয়৷ অগ্নি সংঘটিত হোৱাৰ কাৰণ এতিয়াও জানিব পৰা হোৱা নাই৷

কেন্দ্ৰীয় পেট্ৰ’লিয়াম তথা প্ৰাকৃতিক গেছ মন্ত্ৰীয়ে কালি অসমৰ মুখ্যমন্ত্ৰীৰ লগতে অইল ইণ্ডিয়া, অ’এনজিচি, আন্তঃৰাষ্ট্ৰীয় বিশেষজ্ঞ তথা পেট্ৰ’লিয়াম আৰু প্ৰাকৃতিক গেছ মন্ত্ৰালয়ৰ বিষয়াবৰ্গৰ সৈতে ভিডিঅ’ কনফাৰেন্সিঙৰ জৰিয়তে পৰিস্থিতিৰ বুজ লয়৷ অসমৰ মুখ্যমন্ত্ৰীয়ে জন-ধন হানি, জনসাধাৰণৰ আশংকা দূৰ কৰাৰ আৱশ্যকতাৰ ওপৰত গুৰুত্ব দিছে৷ শ্ৰী ধৰ্মেন্দ্ৰ প্ৰধানে মুখ্যমন্ত্ৰীক এইবুলি আশ্বাস প্ৰদান কৰে যে পেট্ৰ’লিয়াম তথা প্ৰাকৃতিক গেছ মন্ত্ৰালয় তথা অইল ইণ্ডিয়াই এই ক্ষেত্ৰত পূৰ্ণ সহযোগ কৰিব৷ ৰাজ্য চৰকাৰে গ্ৰহণ কৰা সিদ্ধান্তৰ দ্বাৰা প্ৰভাৱিত পৰিয়ালসমূহক সাহায্য আৰু ক্ষতিপূৰণ প্ৰদান কৰা হ’ব৷

কেন্দ্ৰীয় পেট্ৰ’লিয়াম তথা প্ৰাকৃতিক গেছ মন্ত্ৰী শ্ৰী ধৰ্মেন্দ্ৰ প্ৰধানে আজি পুনৰবাৰ ভিডিঅ’ কনফাৰেন্সিঙৰ জৰিয়তে ক্ষেত্ৰত উপস্থিত সংকট ব্যৱস্থাপনা দল, অইল ইণ্ডিয়াৰ বিষয়া তথা মন্ত্ৰালয়ৰ বিষয়াসকলৰ সৈতে সমীক্ষা বৈঠক অনুষ্ঠিত কৰে৷ কূপৰ প্লিনথ্ এলেকাক বাদ দি নিকটৱৰ্তী এলেকাৰ অধিকাংশ অগ্নি নিৰ্বাপন কৰা হৈছে বুলি তেওঁলোকে প্ৰতিবেদন দাখিল কৰিছে৷ কিন্তু কূপটোক ঢাকি নেপেলোৱা পৰ্যন্ত মুখৰ পৰা ওলোৱা জুই জ্বলিয়েই থাকিব বুলি কোৱা হৈছে৷

অগ্নিকাণ্ডই ২০০ মিটাৰ পৰিসৰৰ প্ৰায় ১৫টা ঘৰ সম্পূৰ্ণ ৰূপে জ্বলাই পেলাইছে আৰু অন্য ১৫টা ঘৰ আংশিকভাৱে ক্ষতিগ্ৰস্ত কৰিছে৷ অইল ইণ্ডিয়াৰ অগ্নি নিৰ্বাপক বাহিনীৰ দুজন কৰ্মীৰ মৃত্যু হোৱা বুলিও প্ৰতিবেদন দাখিল কৰা হৈছে৷ প্ৰাৰম্ভিক তথ্যৰ দ্বাৰা এই সংকেত লাভ হৈছে যে তিনিজন অগ্নি নিৰ্বাপক কৰ্মী, দুজন অইল ইণ্ডিয়াৰ তথা এজন অএনজিচিৰ কৰ্মী কূপৰ নিকটৱৰ্তী জলাশয়ত জপিয়াই পৰিছিল৷ অএনজিচিৰ কৰ্মীজন আঘাতপ্ৰাপ্ত হ’ল যদিও অইল ইণ্ডিয়াৰ কৰ্মী দুজনে নিজৰ প্ৰাণ ৰক্ষা কৰিব নোৱাৰিলে৷ তেওঁলোকৰ শৱদেহ দুটা উদ্ধাৰ কৰা হৈছে৷

কূপক ঢাকি পেলোৱা কাৰ্য আৰম্ভ কৰাৰ পূৰ্বে ভস্ম হোৱা ৰিগৰ অৱশিষ্ট, দমতল তথা কূপৰ ক্ষেত্ৰৰ নিকটৱৰ্তী সামগ্ৰীসমূহ সেই স্থানৰ পৰা আঁতৰাই পেলোৱা হ’ব৷ সেই ক্ষেত্ৰত গতিবিধি আৰম্ভ কৰাৰ পূৰ্বে নিৰন্তৰে পানীৰ ব্যৱস্থা কৰা হ’ব৷ এই ব্যৱস্থাসমূহ সম্পন্ন কৰাৰ বাবে ৫-৬ দিনৰ প্ৰয়োজন হ’ব পাৰে আৰু ব্যৱস্থাপনা সম্পূৰ্ণ হ’বলৈ প্ৰায় ৪ সপ্তাহৰ প্ৰয়োজন হ’ব পাৰে৷

প্ৰায় ১৬০০ পৰিয়ালক পূৰ্বতেই নিকটৱৰ্তী এলেকাৰ পৰা স্থানান্তৰিত কৰা হৈছে আৰু সুৰক্ষিত এলেকাৰ সাহায্য শিবিৰত তেওঁলোকক আশ্ৰয় প্ৰদান কৰা হৈছে৷ অইলে তৎকালীন সাহায্যৰ ৰূপত প্ৰত্যেক প্ৰভাৱিত পৰিয়ালক ৩০,০০০ টকাৰ ধনৰ পৰিমাণ প্ৰদান কৰাৰ বাবে সিদ্ধান্ত গ্ৰহণ কৰিছে৷

উল্লেখ্য, কূপটো ডিব্ৰু-ছৈখোৱা ৰাষ্ট্ৰীয় উদ্যান তথা মাগুৰী মোটাপুং বিলৰ কাষত অৱস্থিত৷ অইলে ডিব্ৰু-ছৈখোৱা ৰাষ্ট্ৰীয় উদ্যান তথা মাগুৰী মোটাপুং বিলৰ নিকটৱৰ্তী ক্ষেত্ৰৰ পৰিবশৰ প্ৰভাৱৰ সৰ্বেক্ষণ কৰাৰ বাবে এক অনুমোদিত এজেন্সীৰ সেৱা গ্ৰহণ কৰিছে৷

মন্ত্ৰালয়ে নিৰন্তৰে স্থিতিৰ নিৰীক্ষণ তথা সৰ্বেক্ষণ কৰি আছে৷

Tags

What do you think?

Written by admin

A multimedia journalist based out of Guwahati, covering public policy, healthcare, and social issues.

Comments

Leave a Reply

Your email address will not be published. Required fields are marked *

Loading…

0

Covid 19 hospitals to start treatment of CGHS beneficiaries

Nirmala

Centre Releases Rs 6,195 Crore to 14 States as third instalment