in

চীনক হুংকাৰ প্ৰদান কৰি নিষেধাজ্ঞাৰ সন্মুখীন হ’বলগীয়া হ’ল আমুল ‘সুৰক্ষা প্ৰক্ৰিয়া’ক জগৰীয়া কৰিলে ছ’চিয়েল মিডিয়া ৱেবছাইটে

ৰঙা ডেগ্ৰনৰ প্ৰতীকস্বৰূপ চীনক হুংকাৰ দিয়া আমুলৰ ৰঙা ফুটফুটীয়া ছোৱালীজনী অৱশেষত টুইটাৰ কৰ্তৃপক্ষৰ দ্বাৰা নিষেধাজ্ঞাৰ সন্মুখীন হ’বলগীয়া হ’ল৷
গুজৰাটৰ কো-অপাৰেটিভ মিল্ক মাৰ্কেটিং ফেডাৰেচন চমুকৈ জিচিএমএমএফে আমুল ব্ৰেণ্ডৰ নামত খাদ্য সামগ্ৰী প্ৰস্তুত কৰে৷ ৪ জুন ২০২০ তাৰিখে সন্ধিয়া আমুলৰ টুইটাৰ একাউণ্ট ব্লক কৰি দিয়া হয়৷ এই একাউণ্টটো পুনৰ ৫ জুন ২০২০ তাৰিখে সক্ৰিয় হৈ পৰে৷
আমুলৰ পৰিচালন সঞ্চালক আৰ এছ সোধীয়ে কয় যে উদ্যোগটোৰ টুইটাৰ একাউণ্ট ৪ জুনৰ নিশা ব্ল’ক কৰি দিয়া হয় আৰু টুইটাৰক এই বিষয়ে অৱগত কৰাৰ পিছত ৫ জুনত ৰাতিপুৱা একাউণ্টটো পুনৰ সক্ৰিয় কৰি তোলা হয়৷
আমুলে ৰঙা চীনক প্ৰত্যাহ্বান জনোৱা এক বিজ্ঞাপন প্ৰকাশ কৰাৰ পিছতেই উদ্যোগটো শনিবাৰে ১১,৫০০ টুইটতকৈও অধিক টুইটেৰে ট্ৰেণ্ডিঙলৈ আহিবলৈ সক্ষম হয়৷ বিজ্ঞাপনটোত আমুলৰ ৰঙা ফুটফুটীয়া ফ্ৰক পৰিহিত ছোৱালীজনীয়ে ‘মেড ইন চাইনা’ প্লে’কাড লৈ থকা ৰঙা ডেগ্ৰনক হুংকাৰ দিয়া দেখিবলৈ পোৱা যায়৷ বিজ্ঞাপনটোত চীনৰ চুটি ভিডিঅ’ৰ এক প্লেটফ’ৰ্ম টিকটককো দেখা পোৱা গৈছে৷ তাৰোপৰি বিজ্ঞাপনটোত ‘আমুল মেড ইন ইণ্ডিয়া’ আৰু প্ৰধানমন্ত্ৰী নৰেন্দ্ৰ মোদীৰ ‘আত্মনিৰ্ভৰ ভাৰত’ৰ শ্ল’গানো প্ৰত্যক্ষ কৰিবলৈ পোৱা গৈছে৷
উদ্যোগটোৰ পৰিচালন সঞ্চালকে প্ৰকাশ কৰা অনুসৰি বিজ্ঞাপনটোত প্ৰকাশিত তথ্যসমূহ আমুলৰ নিজা মতামত নহয়, এয়া হ’ল দেশৰ সাধাৰণ জনতাৰ মাজত সৰ্বত্ৰ আলোচিত বিষয়হে৷
আনহাতে এই সন্দৰ্ভত টুইটাৰ কৰ্তৃপক্ষৰ পৰা কোৱা হয় যে এয়া আছিল এক সাধাৰণ সুৰক্ষা প্ৰক্ৰিয়া যাৰ ফলত আমুলৰ টুইটাৰ হেণ্ডেল সাময়িকভাৱে বন্ধ কৰিবলগীয়া হৈছিল৷ এয়া এক কাকতলীয় ঘটনাহে৷ সুৰক্ষা প্ৰক্ৰিয়া সমাপন হোৱাৰ পিছত একাউণ্টটো পুনৰ সক্ৰিয় কৰা হৈছে৷
টুইটাৰ কৰ্তৃপক্ষৰ ফালৰ পৰা এয়া তেওঁলোকৰ দৈনন্দিন প্ৰক্ৰিয়া বুলি কোৱা হৈছে যদিও এই সমগ্ৰ প্ৰক্ৰিয়াটো এতিয়াও সন্দেহৰ আৱৰ্তত আছে৷
চিত্ৰৰ উৎসঃ আমুলৰ টুইটাৰ একাউণ্ট

Tags

What do you think?

Written by admin

A multimedia journalist based out of Guwahati, covering public policy, healthcare, and social issues.

Comments

Leave a Reply

Your email address will not be published. Required fields are marked *

Loading…

0

Complaint filed against Republic, Arnab Goswami under Cable Act

murder

নিজৰ চাকৰি সুৰক্ষিত কৰিবলৈ পিতৃক হত্যা কৰিলে পুত্ৰ সন্তানে